Panginoon, nawa’y ipakita mo sa amin na ang mahal naming Mother Joseph Butler ay malapit sa Iyong kamahal-mahalang puso at karapat-dapat iluklok sa Iyong mga altar. Panginoon, Ikaw ang nagsabi: “Ang sino mang nagnanais sumunod sa Akin ay pasanin ang kanyang krus…” Kasama ni Mother Butler, na tunay na mapagmahal sa krus, bigyan Mo kami ng biyayang huwag ipagkait ang pag-alay sa Iyo ng anumang sakripisyo sa araw na ito. Kamahal-mahalang puso ni Hesus, patnubayan Mo kami sa aming mga pangangailangan. Turuan Mo kaming maglingkod sa Iyo sa pamamagitan ng mataimtim na panalangin at pagtulong sa kapwa. Sa ngalan din ng kamahal-mahalang puso ni Maria, aming huwaran, at ni San Jose, patron ni Mother Butler, pakinggan Mo ang aming taos-pusong dalangin – nawa’y si Mother Joseph Butler, na aming gabay sa buhay-kristyano ay mapabilang sa Iyong mga santo. Amen.